يا ما صبرت اسمعت في الهاتف ولا ريت صوت يصحّي عوق واسقام سلّم وبادرني وحييّت يا سعد حظّي والبخت قام يا ريم من شوفك تبهّيت ومنادمة صوتك والانغام إلكم مثل حبّي فلا ريت ساطي وسط روحي والانسام وأنا مطيع الكم وذلّيت طوع المعانس قود لخطام يا سيد غالي لو تغلّيت دايم غلاكم زد لانام لعصير لمسيان لاقيت اللّي عليه وصوف لريام إن جاك والاّ صوبهم جيت سلّم وبلّغ نسل لكرام جدواه درب الوصل ما ريت وانا عليهم شفق م العام ما ينفع المأخوذ يا ليت ولا تسعف المظلوم ظلاّم يا ما صبرت وكم تمنّيت والوصل دونه طوّل ودام قصدك جفا والاّ تناسيت والاّ بحكمي ناوي اعدام