ياصاحبي عندي حكايه جديده
أبطالها حزن الشتا والمعاناه!
|
|
ودي قبل فرقا الحياه الزهيده
أحكيها للي ماتهنّى بدنيااه!
|
|
وأحكيها لأي إنسان روحه وحيده
مثلي .. ويندر في البشر مثله أشباه!!
|
|
للي تطاوله الهمووم الشديده
إليا إنتهى من همّ .. همِ تولاه!!!
|
|
اللي الفرح ماعاد يقدر يجيده
حتى بنومه ماحلم به ولا جاه!!
|
|
اللي خفوقه فوق نارٍ وقيده
يشوى ولايقوى على قولة الآه!!
|
|
وآآآآحر قلبي والله إنه فقيده
اللي تركني للسهر والمحاتاه!!
|
|
قفّى وقلبي عالقٍ في وريده
وروحي على كفه .. وعيني على خطاه!!
|
|
عذره يقول إن الليالي العنيده
لابدّ وتفرّق ظنينٍ ومظناااه!
|
|
واللي بيجي بكره وبعده يزيده
خوفٍ على خوفٍ قديمٍ قد أشقااه!
|
|
توّه يحس إن النهايه أكيده
من بعد ماعشمت قلبي بلقيااه!
|
|
ومن بعد ماحطيت إيدي في إيده
ووصّلت أدنى عشق قلبه مع أقصاه!
|
|
ياليت روحي مثل رووحه بليده
تنسى ليالي عشرته وتّناسااه!
|
|
أو ليت قلبي لارجيته تفيده
رجواي .. ماقضيت عمري برجواه!!
|
|
جادت عليّ روحه بما لا أريده
وشحّت بما كنت آمله وآتمنّاه
|
|
الله يبيحه عن خطاه ويحيده
عن كل دربٍ فيه هم ومعاناه!
|
|
وأنا لي اللي مايخلي عبيده
يجبر كسير القلب ولاّ يتوفّاه!!
|
حكايه جديده!!!!!!!!!1
