ايکی غزل زيتون ايشيغيندا مجموعه سيندن
دادليم
عشق بير تعبيره سيغماز يوخو،من لال،دادليم!
عاشق اولسان دوشونرسن نه دي بو حال،دادليم!
من بو کرواند،بو داغ-داشدا يورولدوم،بسدير
سنه چاتميرسا بو يول،ساخلا مني سال،دادليم!
آجي اؤلمکدي بو سنسيز ياشاماقلار،دوزلوم!
و حيات سنله بيليرسن نه دي؟ بال... بال،دادليم!
بو ائوين پنجره سي،پرده سي سنسيز داريخير
سيل بو گؤزياشلاريمي،بوردا اؤزون قال،دادليم!
قيناما،قلبينه گول،قلبيمه پروانه دئسه
اوددان،اود تک يئتيشندن نه بيلير کال،دادليم!
000000000000000000000000000000
اوره کده داغ...
اوره کده داغ،باشيمين اوسته چن دولانديريرام
و بيلميرم کيمه خاطير،نه دن دولانديريرام
گئديب حرمده گؤيرچينلرين قانين گؤره لي
سحرلي سئرچه لر آردينجا دن دولانديريرام
هله بئش-آلتي غزل يول قالير سئوينج ائوينه
اودورکي بير شله بيت الحزن دولانديريرام
سينه مده سئوگيليمين عشقي وار غريب دئييلم
و قوي دئييم کي اؤزومله وطن دولانديريرام
بو قيش حياتدا کدرلرده کؤوره لير "ايلقار"
اورکده داغ،باشيمين اوسته چن دولانديريرام.
يارب تعجبكم
بس مين هيفهمها
اكيد انا
elgzzare
تقبلوا تحياتي
قصيده تركيه للشاعر استاد ودود دوستي ايلقار
