كول.يتشاوى الجرح يلهم اترابة
ويعتلك نجمة على كل هامة رمح
واحجي ترضى العين يطفيه دمعه
ولا تحس نهارك بلا صبح
بيك يشتلني فرخ كلبي قصيدة
ويصعد بهرشي حياتين الملح
انا صحلك عزى بساعة العازة
البيه جفك للسوالف ما يصح
.............................
كول.اجيك اعيون ذيب وغيض حية
وغيمة امروى وهبوب اعذيب اهب
واذبل كل خضار البيك
وشبت الصفصاف اشب
نب يبجروح العزيزة
جروح ذلة الما تنب
وصحي شمس الطايحة اشمرخص ضواه
وشمس المعلية الظهر ما تنجهب
..................................
كول.اواددلك الدنيا بكل حزنة
ابكل ثكله وارضى حد الشوف يطويني القهر
وامشي جدم الما يعرف تراب جدمة
محاللة وياه السوالف لو عثر
والعين الصاوغ بسمه يضيع اسمه
يضيع بيه المستحى شكد ما كبر
وبالمن بعد نلكة منك وصية
بالمن تحتام ادية اشم تعبه
وتنفض من اطرافه اتراب الخدر
بالمن نلكة السما ولايه جديدة
يطفي ظلمته ويوجله الكمر
وكلمة الخوف الذليلة اضل
بعيدة ظل مثل بوسة حلم من غير خد
قصيدة شعبية
