صور | قاموس | برامج | العاب | اعلانات مبوبة  
 اسم المستخدم حفظ بيانات الدخول 
كلمة المرور
  المنتديات  > الشعر و الأدب
  من كلمات الامير الشاعر خالد الفيصل
 

 


  [ الاربعاء 6 يونيو 2007 ] 
  نسخة سريعة   		 

  عدد القراءات : 3206


  البلد : فلسطين   : المدينة : البيرة
  عدد المشاركات : 283
 
  .مجموعه مختاره من كلمات الامير الشاعر

خالد الفيصل
اتمنى تحوز على اعجابكم
اجل لولاك والله ما بكينا
ولا هانت مدامعنا علينا
ولو تنسى هوانا يا حبيبي
حشا الله حنا ما نسينا
انا باقي على عهد المحبه
وبابقى لك وفيّ ما حيينا
ولا بدك تبي تفهم وتدري
وتلقى في المحبة ما لقينا
ولكني اخاف من الليالي
تزلّ بنا وحنّا ما درينا
ولا ينفع تندّم عقب فايت
الى شبنا وعفنا وانتهينا

خالد الفيصل*اجل لولاك

   

نسخة كاملة  

  صفحة : 1 من 2 :

 01    02     >>

[ الاربعاء 6 يونيو 2007 ]  

  البلد : فلسطين   : المدينة : البيرة
  عدد المشاركات : 283
 
هلت دموع السما عند الوداع
وارسلت غيومها شوق وحنين
مد لي يمناه وانهى الاجتماع
والهنا تبدل بدمع حزين
قال ودع ما يفيد الامتناع
الشقا مقسوم مير الله يعين
رمشه الفتاك وعيون وساع
صوروا بالقلب له رسم حسين
شوفتي له ساعه عندي متاع
متعة الدنيا نظر عين لعين
لي ذكرت الي حدر هاك القناع
مبسمه والخد مع نور الجبين
لو بغيت الصبر قلبي ما استطاع
يا سعد يا كود فقدان الظنين
كل ما لاح بسما حبي شعاع
اظلمت دنياي واشتد الونين
يا حسايف وقتنا والعمر ضاع
نجتمع يومين والفرقا سنين




خالد الفيصل*هلّت




[ الاربعاء 6 يونيو 2007 ]  

  البلد : فلسطين   : المدينة : البيرة
  عدد المشاركات : 283
 
يا قديم الغوص في بحر الهوى
وش لقيت بغبة البحر الغزير
علم الي جس شطه وارتوى
ما بعد جرب طويله والقصير
قالوا انه من جميع امر حوى
فيه سر وفيه شر وفيه خير
واسمع انه من ركب موجه دوى
من فعل موجه غريقه يستجير
واسمع انه من لمس شطه غوى
ما يفرق بين بحره والغدير
واسمع انه من على تركه نوى
يجذبه سحره ويرجع له كسير
لو تجرح فيه قلبه واكتوى
ما يتوب ولا يريح ويستخير
وش جمع حلوه على مره سوا
هي حلاة الحب في الكأس المرير
رغبوني لين قلبي له هوى
وانذروني لين صدقت النذير
خوفوني منه والقلب التوى
راغب ومعيف والخايف يجير
هو صحيح ان الهوى ماله دوا
خبر الي جاك عاني يستشير

خالد الفيصل*يا قديم الغوص





[ الاربعاء 6 يونيو 2007 ]  

  البلد : فلسطين   : المدينة : البيرة
  عدد المشاركات : 283
 
لا تقول ان الليالي فرقتنا
لا تقول ظروفنا عيّت علينا
الليالي يوم ودك جمعتّنا
يوك ودّك كل شي في يدينا
يا سقى الله ليله بك عرّفتنا
في شعيب شهار عن غيرك سلينا
من مغيب الشمس حتى طالعتنا
عن هل الدنيا نزعنا واعتلينا
ليلة العشاق والله وردتنا
مارد ذقناه كن ما ارتوينا
ليتها يا ليتها ما ودّعتنا
ليت ذاك الليل ما راح وسرينا
يوم هملنّا الليالي هملتنا
كيف تعطينا وحنّا ما عطينا
الليالي عن هوانا ما نهتنا
البلا حنّا على البعد انتهينا

خالد الفيصل*لا تقول





[ الاربعاء 6 يونيو 2007 ]  

  البلد : فلسطين   : المدينة : البيرة
  عدد المشاركات : 283
 
يا صاحبي مني لك الروح مهداه
والله لو به غيره اغلى هديته
ما قلت لأحد غيرك الروح تفداه
انت الوحيد الي بروحي فديته
وانت لولاك ما قلت انا آه
ولا شكيت من الهوى ما شكيته
يا زين حبك عن هوى الناس عدّاه
جميع وصف كامل بك لقيته
سلم المحبه ما وطا الزين ناطاه
حد الخطر لعيون خلي وطيته
والي يودك كل ما منك يرضاه
حتى عذابك يا حبيبي رضيته

خالد الفيصل*يا صاحبي




[ الاربعاء 6 يونيو 2007 ]  

  البلد : فلسطين   : المدينة : البيرة
  عدد المشاركات : 283
 
ياللي تعرفون الهوى لا تلومن
يلومني من لا درى ويش حالي
الحب يودع عاقل الناس مجنون
يودع كبير السن مثل العيال
واهل الكرم والجود لاجله يذلون
يشحذ عزيز النفس فيه الوصال
ان ساعد العشاق حظِ يسجّون
اسعد ليالي العمر هاك الليالي
وان عاكست سود الليالي يموتون
الحب غربال من اول وتالي

خالد الفيصل*ياللي تعرفون




[ الاربعاء 6 يونيو 2007 ]  

  البلد : فلسطين   : المدينة : البيرة
  عدد المشاركات : 283
 



ما لوم قلبي لى انتفض عند طاريك
والعين تبكي شوفتك يا عناها
يا ليتني ماشد عن جال واديك
واشارك الخلاّن صافي هواها
اقعد معك واشوف زولك واحاكيك
واوّصل النفس الحزينه مناها
يا من حسدت ربوعك اللي حواليك
بالشوف يوم الله بقربك عطاها
اهواك انا واشتاق بالحيل واغليك
وارهي من اسبابك على العين ماها
مانيت والله يا هوى البالب ناسيك
مادام لي روح بوصلك هناها

خالد الفيصل*مالوم




[ الاربعاء 6 يونيو 2007 ]  

  البلد : فلسطين   : المدينة : البيرة
  عدد المشاركات : 283
 



نوى القلب نيه ما نواهالاحد غيرك
نوى القلب يمشي لك على السمع والطاعه
مع الشك والغيره وهجرك وتقصيرك
احبك واقول امرك له الروح خضّاعه
جمعنا طريق الحب وانور بتنويرك
على صدفه لقلوب الاحباب جمّاعه
ملكني هواك وقادني بأمر تدبيرك
امانه معك روحي من البعد ملتاعه
تغزلت بك والشعر من بعض تعبيرك
كلامك سحر يخلف موازين سمّاعه
تقول الغزل مني شغا كل تفكيرك
عسى واعسى والنفس بالزود طمّاعه

خالد الفيصل*نوى القلب




[ الاربعاء 6 يونيو 2007 ]  

  البلد : فلسطين   : المدينة : البيرة
  عدد المشاركات : 283
 



من عذابي قلت لعيونك هلا
يا هلا بك يا عذابي يا هلا
ما يكفّي لوعتي بك من غلاك
رحت تبعد عن عيوني يا غلا
تحسب اني سالي مثلك وانا
في هواك الله حسيبك مبتلى
ما يسليني مكان ولا زمان
لا ولا غيرك حبيبِ لا ولا
قلبي الي ما يطيع لمن بغاه
من نظر عينك تعهّد بالولا
صار لك بالقلب مرباع ومصيف
يوم غيرك عن مرابيعه جلا
فيه لك مقيال عن حرّ الزمان
والدفا عن برد شمله بالخلا

خالد الفيصل*من عذابي




[ الاربعاء 6 يونيو 2007 ]  

  البلد : فلسطين   : المدينة : البيرة
  عدد المشاركات : 283
 
بعيد الا من افكــاري قريب تغيب الا عن الـخافــق حبيبي
واروّح لك طواريـقي واجيب اهوجس بك واسولف مع طيوفك
وعطّرت النسايم منــك طيب على ليل الهوى رسـمت وجهك
يغيب العمر ما عنــي تغيب يحسبون المكـــان ابعدك عني
واشوفك فــي نوايبها طبيبي اشوفك في ســواد الليل ومضه
وصوتك فوق موجات المغيب ويجيني مع طلوع الشمس نورك
تلوعّنـــي ولا وديّ تطيب ولك بالقلـــب خفقه وانتفاضه
بعثت الحب في قلب خصيب أحبك يا هتون مــــن سحابه

خالد الفيصل*تغيب




[ الاربعاء 6 يونيو 2007 ]  

  البلد : فلسطين   : المدينة : البيرة
  عدد المشاركات : 283
 



صرخة ذابت من عــيونك دموع لو نسيت العمر ما انسى دمعتك
وانتفض قلبـــي لها بين الضلوع ترتعش مرتاعة فــي وجنتيك
بالخفا ثـــورة وبالظاهر خشوع ازعجت صمت الليالي عبرتك
مشهد النظــره وهي تظمي يروع تسكب الدمعه وتظمي نظرتك
ضاع معها خافــق مثلك جزوع يا ضياع العمر ضيعة بسمتك
والفرح يشــعل دياجيرك شموع ليت من يمتص جارح لحظتك

خالد الفيصل*لو نسيت




نسخة كاملة  

  صفحة : 1 من 2 :

 01    02     >>



اسم المستخدم                      كلمة المرور

حفظ بيانات الدخول

 مستخدم جديد
تحميل العاب كاملة - تحميل برامج Ares . Kaspersky . Yahoo .  YouTube .  Flash Player   .  الوافي الذهبي . RealPlayer . الماسنجر .  NOD32 . bearshare . LimeWire . winrar