هذه القصيده من احد قصائدي التي كتبتها وانا رهن التجربه........
قصة غلا خاين معا ذكراها خوذ درس منها للحياه وانساها
خوذ درس خوذ العبره بالكش هالليعه طيب وتبرا
واصبر وصبر القلب فوق من صبرا يزيدك عزيمه في نسا ذكراها
واقتل الماضي وادفنه في قبره وعيش يوم غدوه في نعيم بلاها
خوذ درس ما تنساه واسمع كلامي وافهمه معناه
وانشد ودور في بلاد الله تلقى اللي فبالك تجي برضاها
واخطى طريق السو ما تدناه هكي العاقل ما يدير سفاها
سيد التريس فمجلسه تلقاه انكانه تكلم كلمته علاها
القصه بقت تذكار انت البطل رفقة بو عيون كبار
وهذي الحكايه تب لعتبار لكل منو يفهمها ويتحاشاها
ونا فالنصيحه زدت يا حضار وآخر كلامي خاتم لمعناها
نطلب العالي الواحد القهار يغفر ذنوبي طالبه بجاها
يجنب عباده من صهيد النار ويكتبلهم جنه وكل رضاها
نهار كيف هوله ما هناك نهار يجو الخلق يداعو بهول نباها
نصلي علي الهادي النبي المختار شفيع امته ونبيها ومولاها
معا ذكراها وخوذ درس منها للخياه وانساها قصة غلا خاين
شعر ليبي من الشاعر الليبي المكبوت...
