منتديات التقني عالم التجارة
SPTechs منتديات
 اسم المستخدم حفظ بيانات الدخول 
كلمة المرور
  منتديات SPTechs   > قضايا اجتماعية
 thread

لبيبة الهبلة و الثانوية العامة

 

  الجمعة 22 يونيو 2018 م الموافق ‏08/‏شوال/‏1439 هـ الساعة 15:40

 


الرد على الموضوع عدد القراءات : 815   

معلومات :   البلد : مصر  : المدينة : القاهرة
  عدد المشاركات : 57

 فنان تشكيلي محب للمسرح و القصة و الشعر

محمد سنجر


[ السبت 18 سبتمبر 2010 ]
 
 
 

لبيبة الهبلة و الثانوية العامة




( الازدحام الشديد جعلني أفضل النزول من الميكروباس ،
بادرني السائق )
ـ على فين يا أستاذ ؟
ـ إيه ؟ نازل أمشي أحسن ، مش شايف الزحمة ؟
ـ الثانوية العامة يا بيه كل سنة و أنت طيب ....
ـ ثانوية إيه بس ؟ مش ها يشوفوا لها حل بقى ؟
ـ إيدي على كتفك ، ده اللي عندهم واد في الثانوية بيبقوا زي اللي عندهم ميتم ، تصدق بإيه يا أستاذ ؟
ـ لا إله إلا الله .
ـ مراتي أعلنت حالة الطوارئ في البيت عشان البت ، أنت فاكر إني نازل عشان أدور على رزقي ؟ لا و اللي جمعنا من غير ميعاد ، ده أنا اتخنقت م البيت ، الكلام ممنوع ، البت بتذاكر ، التلفزيون ممنوع البت بتذاكر ، حتى الأكل بميعاد عشان البت لسه بتذاكر ، الله يقطع الثانوية العامة و اللي اخترعوها ، عشان كده قلت أنزل أفك عن نفسي شوية ...
ـ لا حول و لا قوة إلا بالله ، طيب ممكن ثواني عشان أنزل ؟
ـ ما هي واقفة أهي ، بس معلش ، هات الأجرة يا مواطن .
ـ آسف ... نسيت و الله ...
( مددت يدي في جيبي ، أخرجت صرة الدنانير ،
فضضتها و أخرجت منها إحدى العملات المعدنية ،
ناولته إحداها و نزلت وسط الزحام الشديد ،
هرج و مرج هنا و هناك ، اختلط الحابل بالنابل ،
حاولت التسلل من بين الأجساد المتلاصقة ،
فجأة سمعت صرخة مدوية )
ـ مش تفتح يا أعمى ؟
( نظرت لصاحب الصرخة ،
و إذا بها لبيبة الهبلة تجلس على الأرض ،
تغير تعبير وجهها عندما رأتني )
ـ كده برضة تدوس عليا ؟ يعني ما تجيش غير منك يا أستاذ ؟
ـ معلش آسف يا خالة لبيبة ، ما شفتكيش و الله ، إنتي إيه اللي مقعدك كده؟
ـ مش الواد (حمو) عقبال أمالتك في الثانوية السنة دي ؟
ـ معقولة ؟ اللهم صل ع النبي ، حمو بقى في الثانوية العامة ؟ بسم الله ما شاء الله ، و الله أنت ست بميت راجل ، طيب تعالي نقعد بعيد بدل ما أنتي قاعدة كده في الأرض و حد يدوس عليكي .
( مددت لها يدي فأمسكت بها و وقفت )
ـ آخ ياني ، الله يقطع الثانوية و اللي عملوها ، مش تقول لهم يا أستاذ يلغوها أحسن ؟
ـ يلغوها إزاي بس يا خالة لبيبة ؟ أمال نعرف إزاي مستوى كل طالب عشان يروح الكلية اللي يستحقها ؟
ـ طب بذمتك يرضي مين إن الواد أو البت من دول يتحدد مستقبله على سنة واحدة ؟
ـ ما احنا عملناها سنتين قولتوا جــــــــــــــــــاي ، رجعوها سنة واحدة .
ـ أيوة ما هو الناس بدل ما كانوا بينصبوا الميتم سنة بقوا بينصبوه سنتين .
ـ طيب أهو ، أديك بتقولي ، نعمل إيه إحنا بقى ؟
ـ خلوها من أول العيل ما بيدخل المدرسة من أولى ابتدائي ....
ـ مش فاهم ؟
ـ يعني العيل من أولى ابتدائي لغاية ما يوصل للثانوية العامة كام سنة ؟
ـ اتناشر سنة تقريبا .
ـ الله ينور عليك ، درجاته بقى في الاتناشر سنة دول مع بعض هم اللي يودوه الكلية المناسبة .
ـ قصدك ناخد مجموع درجاته في السنين كلها و نقسمهم على اتناشر ؟
ـ أني عارفه بقى ؟ قسموها زي ما تقسموها ، المهم ما يقفش مستقبل العيل على سنة واحدة ، بذمتك ده عدل ؟
عيل طول عمره بايظ و يجي في الثانوية العامة بالفلوس و إلا بالغش يدخل طب و الا هندسة و الا معهد فني تجاري ؟
و واد تاني زي (حمو) ده طول عمره الأول و جه السنة دي تعب و الا ظروفه كانت وحشة يروح في ستين داهية ؟
بالذمة هو ده العدل بتاع ربنا ؟
ـ مش عارف و الله يا خالة لبيبة ، بس ها أحاول أكلم لك وزير الثانوية العامة حاضر و ندرس كلامك ده ، ليه لأ ؟
ها استأذنك أنا بقى عشان عندي مشوار مهم ....
( أخرجت سرة الدنانير التي أثقلت جيبي ، هممت بفضها لأخرج لها بعض العملات المعدنية ، إلا أنني آثرت الخلاص منها ، فقذفتها إليها ،
طارت لبيبة كما يفعل الحضري لالتقاط شقة البطيخ من زوجته ،
نادتني من بعيد )
ـ إلاهي ربنا يسترك يا بيه ، إوعى تنسى تكلم لنا وزير الثانوية العامة ....
( أشرت بإصبعي من العين دي للعين دي و رحلت أقلب حلها العبقري )


#1  

معلومات :  البلد : مصر  : المدينة : القاهرة
  عدد المشاركات : 57
محمد سنجر

 
[ الأحد 19 سبتمبر 2010 ]
 
 
 
و أما عن حل الخالة لبيبة
فطبعا يحتاج إلى بعض البهارات
فمثلا يجب لمن يدخل كلية الطب أو كلية العلوم أن يكون حاصلا طوال دراسته على درجة عالية في العلوم
و كذلك كلية الهندسة ينظر في ارتفاع درجاته طوال دراسته في الرياضيات
و كذلك من يريد الالتحاق بكلية الآداب قسم التاريخ أن يكون حاصلا على درجات مرتفعة في التاريخ و هكذا
و هذا سيحد بل سيمنع التلاعب تماما
فلا يمكن لإنسان أيا كان أن يحدد مصير طالب و مساعدته بالواسطة أو بالفلوس طوال 12 سنة

تحياتي و تقديري لكم


اضافة رد على الموضوع




  منتديات SPTechs : مشاركات شبيهة .  لموضوع : لبيبة الهبلة و الثانوية العامة

   .   الأوفيس 2007 .. كامل للتحميل مع السيريال هنا OFFICE 2007
   .   الى محبي برنامج شاهد منزلك Google Earth اخيرا الشرح بالصور
   .   معاني اسماء البنات حسب علم النفس..
   .   ثيمات للكمبيوتر.. روعه جداا
   .   اتجاه القبلة (( موقع يحدد لك القبلة اينما كنت من Google Eart
   .   :: مفاجأة :: شاهد عشرات القنوات على النت بدون اى برامج ::
   .   أحدث طريقة لتسريع الإنترنت بدون أى برنامج
   .   رسائل زعل و حزن و عتاب و الخيانة اكثر من ألف رسالة
   .   ما معنى الحب؟
   .   رسائل الحب والعشق اكثر من الف رسالة


  منتديات SPTechs : مشاركات محمد سنجر  
   .   عمدة كفر البلاص ( نزف قلم : محمد سنجر )
   .   خروج في سبيل الله؟ ( نزف قلم : محمد سنجر )
   .   الكيكة الكبيرة ( للكبار فقط ) بقلم : محمد سنجر
   .   ما بين هذا و ذاك ( نزف قلم : محمد سنجر )
   .   شيخ ألبس الرجال الخمار
   .   سواق الأتوبيس ( بقلم : محمد سنجر )
   .   اليوتوبيا ( نزف قلم : محمد سنجر )
   .   ذهب مع الريح ( نزف قلم : محمد سنجر )
   .   قياس الرجولة ( نزف قلم : محمد سنجر )
   .   من خلَقَ الله ( نزف قلم : محمد سنجر )

  | نتائج الثانوية العامة  |  


اسم المستخدم                        كلمة المرور

حفظ معلومات الاشتراك

# لبيبة الهبلة و الثانوية العامة

register
 مستخدم جديد