القاضي بيسأل المتهم : انت دخلت البوتيك اربع مرات في ليلة واحدة ليه ؟ المتهم : اصلى ياباشا دخلت سرقت فستان لمراتي في المرة الأولانية والتلاتة التانيين كانت بتبعتني ابدلهلها .
تلاتة زملا في مدرسة الأول : أنا نفسي لمّا أكبر أطلع قاضي زي بابايا بالظبط التاني : أنا نفسي لمّا أكبر أبقى زي بابا ظابط بوليس أد الدنيا التالت أنا نفسي لمّا أكبر وأبقى زي بابا مانتقابلش علشان مانخسرش بعض
بيقلك مرة رئيس دولة عربية - كان مابيفهمش بالرياضة - دعوه لحضور ماتش مهم بين فريقين وفي نص المباراة نادى لوزير الشباب والرياضة وقاله : بكرة تروح تشتري 22 كورة وتدي لكل لاعب من الفريقين كورة يلعب بيها لوحده أحسن من شكلهم كده بيتخنقوا كلهم على كورة واحدة وبيجروا وراها .
بياع ورد بيدلع مراته بيقلها : يا وردة في حياتي يا نسمة في فؤادي يافلّة في عيوني يازنبق على جفوني ياياسمينة حبي ياغاردينيا في احلى مزهرية حفضل أحبك ... جاره نجّار سمعه حب يعمل زيه ويدلع مراته قلها : ياشاكوش جوى قلبي يا منشار فوق رقبتي يافارة في جيبي يامسمار طالعلي في رجلي يالزقة غرا مش راضية تفك أومي حضريلنا العشا
مره كان فيه نجار عجوز بيشتغل على حافة نهر ، وهو شغال وقع منه المنشار فى النيل ، فقعد يبكى على المنشار الي وقع منه ، فطلعتله جنيه سألته : انت بتبكي ليه ؟ فقالها منشارى أكل عيشي وقع في النيل ، فغطست الجنية وطلعت ومعاها منشار ذهب , سألته هو ده ؟ فرد وقالها لأ ، فغطست تاني وطلعت بمنشار من فضه وسألته هو ده ؟ ، فرد وقالها لأ ، فغطست كمان مره وطلعت وبإيدها منشاره الحديد وسألته هو ده ؟ فقالها وهو فرحان اه هو ده , فراحت الجنيه مقدماله المنشارين الذهب والفضه هدية لأمانته وصدقه .
وفي يوم من الأيام طلع النجار هو ومراته يتفسحوا على ضفاف النيل فجأة اتزلقت رجل مراته ووقعت في النيل فقعد يبكى عليها ، سمعته الجنيه فجت وسألته انت بتبكي ليه ؟ قالها علشان مراتي ام عيالي وقعت في النيل , فغطست الجنيه وطلعت ومعاها نانسى عجرم ، وسالته هي دي مراتك؟ رد النجار بسرعة وقالها : اه هي دى متشكر قوي ياست جنية ، قالتله الجنية: ياكدّاب ياضلالي دي نانسي عجرم مش مراتك . رد النجار وقالها سامحيني أنا عارف انها نانسي بس انا خفت اقول لأ فتغطسى وتطلعيلي بهيفا وهبي ولما حأقولك بردو مش هيّ , حتروحي مطلعا مراتي , ساعتها حاقولك هي دي تروحي مقدمالي نانسي وهيفا هدية عشان صدقي وأمنتي , وأنا زي مانتي شايفة راجل عجوز على قد حالي ماقدرش على تلاتة ، فقلت بيني وبين نفسي ... كفاية عليّ نانسي !!.
مصري عايش في اليمن بيسألوه عندك كم سنة ؟؟ - قالهم : 35 - قالوله بس انت في البطاقة عندك 39 - قالهم : اصلى كان فيه أربع سنين عشتهم في اليمن مش محسوبين من عمري
سواق مسطول طالع الحجاز يحج , اخذ المايك وقال : اخواني الحجاج لبيت الله الحرام نتمنالكم رحلة سعيدة وهادية وحج مقبول ان شاء الله وياريت تشدوا الهمة شوية وتخلصو أوام أوام علشان نلحق نرجع قبل العيد ونعيد في بيتنا مع عيالنا ان شاء الله .. بس انتو قولو يارب !!
بيقلك مرة عملوا مسابقة لأجهزة الاستخبارات العالمية عاوزين يعرفوا مين الأسرع في اكتشاف الحاجة , فراحوا جيبين 3 غزلان وفلتوهم في غابة وطلبوا من كل وفد إنهم يدورو على غزال ويجيبوه فبعد ربع ساعة طلع الموساد الأمريكي بمعداته الحديثة ومعاه غزال , كمان نص ساعة طلع جهازالاستخبارات الروسي ومعاه برده غزال بعد ساعتين طلع الفريق المصري متعني ومعاه الغزال التالت والأخير.. بعد كده بدأت الوفود المشاركة تطلع وطبعاً مش جايبة حاجة وطلعوا كلهم إلا الفريق السوري فضل ماطلعش .. يوم .. اتنين .. تلاتة .. لجنة الحكام قالوا لازم ندخل نشوف ايه الحكاية ؟؟ دخلو يدورو عليهم , لقوهم ماسكين حمار نزلين فيه ضرب وبيقولوله اعترف انك غزال ولا.. !!
نادي النكات والطرائف
