رسالة من شهيد لأمه

********

في عيد الأم يا أمــي
أهديك وردة من دمي
وبهدي لأم كل شهيد
رسالة حب شمعة عيد

أنا في الجنة مش زعلان
أنا راضي أنا فرحان
ده وعد ربي في القرآن
ان الحق مسيره يبان

أطفال كتيرة يا أمي
بيعانوا من ظلم العدوان
في كل دقيقة طفل يموت
والجزار ما لوش دكان

أطفال بتموت في كل مكان
يوم في القدس ويوم لبنان
طفل عراقي مات من جوعه
وطفل التاني مات بردان

نحن ياأمي طيور في الجنة
قلوبنا محبة لكل الناس
بس بنسأل ليه قتلونا
ومن أحضان أمنا أخدونا

كنا ضحايا ومش بإدينا
أن القسوة في قلب عدونا
دول العالم شايفة وساكتة
ياريتهم يحكوا عشان يحمونا

يا أطفال شعوب العالم
مدُّوا ايديكو مع أيدينا
ننشر حب ونور وسلام
نمحي العتمة من ليالينا

أغنية للأطفال من شعري : أخوكم أبو أمان الله