انا بحتج يا عم الحج يا عم الحج
شوفت الغلبان؟
ماشى وتعبان
عايش توهان
فقر وحرمان
انا بحتج يا عم الحج يا عم الحج
شوفت الاتوبيس؟
رايح رمسيس
زحمه وكوابيس
لو رحت باريس
تلاقيه ده عريس
انا بحتج يا عم الحج يا عم الحج
شوفت رغيف العيش
خايف ميكفيش
ياخوفى ليبقا مفيش
ويقولك راح ميجيش
انا بحتج يا عم الحج يا عم الحج
شوفت صنايعى ومزارع
وناس كتير ماليه الشارع
ده مهاجر وده ضايع
وضيع عمره فى صنايع
انا بحتج يا عم الحج يا عم الحج
شوفت موظفنا الميرى
فاتح الدرج يا مديرى
والله معانا يا ضميرى
يسلم غشى وتزويرى
انا بحتج يا عم الحج يا عم الحج
شوفت ولاد الاغنيا؟
رايحين جايين بالعربيه
وخدينها ضحك وتسليه
يسلام لو شم الطعميه
يغمن عليه ده شويه
انا بحتج يا عم الحج يا عم الحج
شوفت المسؤل؟
دايما بيقول
يحكى وعلى طول
يطلع من دول
لوووول لووووول
انا بحتج يا عم الحج يا عم الحج
شوفت الساده النواب؟
موش منا دول ناس اغراب
من كتر الظلم بقو دياب
خلوها سوده وضباب
انا بحتج يا عم الحج يا عم الحج
شوفت القطارات؟
فاتتنا ساعات
ويام محطات
كترو الاموات
انا بحتج يا عم الحج يا عم الحج
شوفت التعليم؟
بقا ماشى سليم
يدخل سى كريم
يطلع سى غشيم
انا بحتج يا عم الحج يا عم الحج
شوفت البت الفنانه؟
والفن رساله وعلامه
بتغنى اغانى وهبطانه
مبسوطه الحلوه عريانه
انا بحتج يا عم الحج يا عم الحج
شوفت الكوره القدميه؟
ملاييين رايحه وجايه
صرفنا كل الميزانيه
عشان الشهره الدوليه
انا بحتج يا عم الحج يا عم الحج
شوفت الضلمه الحكوميه؟
خلوها تبقا اشتراكيه
لو حتى مره شيوعيه
ومالها ليه راسماليه
ويعنى ايه ديموقراطيه؟
وبلاش تقولى التوعيه
حلوه حلاوه الملوخيه
الحرق فيكم ده شويه
اه يا شوية حراميه
انا بحتج يا عم الحج يا عم الحج
محدش يزعل انا بس بحتج يا عم الحج يا عم الحج
انا بحتج يا عم الحج يا عم الحج
