| هد رسن المهر وسبك نوايه الصوت
وخل الريح تشهد لثنه اعليـــه
كونك كدهه طبه الساحه تتلكــاك
بس الكاع حكه ازلام تطيــــه
تدري الموت واكف منتصب خيال
وجفوف الغشيم ابساع يلويـــه
احذرك لاتطيح اباول المركـــاض
وحذر لاتصيح ادخيل حاميــــه
اليخاف يرجف من يشوف السيــف
واليفوت عين السيف يعميـــــه
ونت ادخيل اعرفك من زمان الفات
.جاي اليوم حرمه اتريد تحميـــه
الغيره ايام تعطش ماتذل للمــاي
لنه اتريد واحد كدهه يحميــــه
ونت الغيره عندك دمعت امودعات
كبل اسنين ادري الغيره باجيـــه
بطل موتعده ازماطك الجلمـــات
وانه البيدي يرجف غيض سركيــه
لاكن كو ساكت مولجل عينــــاك
.لجل اعيون تسوه ابعين شاريــــــه
وعلم لصبر حد ويطك ويــــــاك
وطبه ابغض وخبط بيك صافيــــه
[16 February 2008]
عدد القراءات : 48
|
كونك كدهه
