... تدري انك طحت من عيني ولا يمكن تعود؟ ...
... تدري انه صار موقف حز في خاطر ضنينك ؟ ...
... قد ماحاولت اجامل ، صار قلبي به جمود ...
... وقد ماحاولت أنسى ، ذكرتني به سنينك ...
... من عقب ماصار منّك ، صار حبي له حدود ...
... كلمةٍ مني وخذها ،، "مايعذبني حنينك" ...
... كنت تدري لوتبيني بأي لحظه ماتفوت ...
... الا انا وعيوني عندك ، يالله ، حط عيني بعينك..
... انته متأكد بأنه لحظة غيابك أموت ...
... وتدري مولع بك واحبك واعشقه زينك وشينك...
... وانه حبّك نبض قلبي ، ان مات ، لايمكن يموت...
... كلي بلهفه أجيلك واقرا اللي بوسط عينك ...
... من عرفت اللي ذكرته وانت تهجرني وتعود ...
... كم كسرت بقلب حبّك كم عذبني ونينك !! ...
... تجرح وتشتاقني ، ترجع وانا بعطفي اجود ...
... ثم تبي تصافح يديني ، والله لاقطعها يمينك ...
... تدري ان صدّيت عنّك ؟ ، صدتي مره ابصدود ! ...
... بس خلاص ابعد وروح ، ازهلها الله لايهينك ...
... اجرح وعذّب وأهجر ، حبّني ، وفكّر تعود ...
... بس حزّتها أبحلف "مايعذّبني حنينك" ...

طــــــــــــــــارق الامــــــــــــــــــــــــير